Акафіст

015

Акафист Пресвятой Богородице в честь Ея Зимненской чудотворной иконы

Кондак 1

Взбранной Воеводе, Владычице нашей Богородице, теплой Заступнице земли Волынския, благодарственное пение восписуем пред Пречистым Твоим образом. Ты же Царице неба и земли, приими моления наша, да зовем Ти: Радуйся, Мати Божия, Зимненския обители и всем православным Отрадо и Утешение.

Икос 1

Ангельския чины боголепно славословят Тя Богородице, яко Ты еси обрела благодать у Бога, и родила нам Божественное Слово и не оставила еси нас и во Успении Своем, Пресвятая Дево. Приими и наша недостойныя моления на Горе сей, да смиренно вопием Ти сице:

Радуйся, Отца Безначального благоволение;

Радуйся, Божественного Слова вместилище;

Радуйся, Духа Святаго осенение;

Радуйся, истинное православия украшение;

Радуйся, реко из камене текущая;

Радуйся, куще, Зимно преобразившая;

Радуйся, драгая диадимо волынская;

Радуйся, венче благодати предивный;

Радуйся, заре божественного солнца;

Радуйся, руно милосердием напоившая;

Радуйся, источниче пустыню оплодотворивший;

Радуйся, ковчеже благодати Божия;

Радуйся, Мати Божия, Зимненския обители и всем православным Отрадо и Утешение.

Кондак 2

Пречистый образ Твой равноапостольный князь Владимир дарова обители сей и умоли Тя благословити Гору Святую сию, себе же устрои терем, во еже пети зде непрестанно: Аллилуйя.

Икос 2

Разум подаждь нам, Богородице, познати Твое присутствие на Святей Горе сей, како чудесы и помощь Твоею иконою являвши, услышы и наша моления, яже тысящу лет

православнии воспевают зде сицевая:

Радуйся, солнце, язычество попалившее;

Радуйся, сене незыблемая православныя земли;

Радуйся, ниво, спасение нам растящая;

Радуйся, Зимненской обители Покровительнице;

Радуйся, гнев Божий праведный умягчающая;

Радуйся, молитвою печали наша утоляющая;

Радуйся, Ходатаице наша пред Богом;

Радуйся, средостения человеческия разрушающая;

Радуйся, в бедах и нуждах нам помогающая;

Радуйся, девственныя чистоты украшение;

Радуйся, от напастей скорое избавление;

Радуйся, лествице, возводящая к небеси;

Радуйся, Мати Божия, Зимненския обители и всем православным Отрадо и Утешение.

Кондак 3

Силу благодатную узрев патриарх Царьградский в иконе Твоей, Богородице, егда на брак благослови ею царевну Анну со славнейшим князем Владимиром. Ты же в ней благодать явила еси волынским людем, да поют Богу: Аллилуйя.

Икос 3

Имея Твою дивную икону, благословение семейного таинства, и жития своего, равноапостольный князь Владимир, благодать на обитель и свой терем совводит в Зимно, добронравнии же людие взывают Богородице сице:

Радуйся, патриаршее предвиденное благословение;

Радуйся, царевны Анны на Русь Путеводительнице;

Радуйся, великокняжеского супружества Благословение;

Радуйся, дебри язычества в сады Христовы превратившая;

Радуйся, страны нашея Охранительнице;

Радуйся, семейных уз крепкая Поручительнице;

Радуйся, добрая Воспитательнице юношества;

Радуйся, теплая Отрадо иночества;

Радуйся, мудрость просящим подавающая;

Радуйся, чистыя в райския обители приводящая;

Радуйся, многоценный каменю веры;

Радуйся, обители древния утверждение;

Радуйся, Мати Божия, Зимненския обители и всем православным Отрадо и Утешение.

Кондак 4

Бурею многих зол колеблеми, прибегали к Твоей чудотворней иконе святии епископы Волынстии Стефан и Амфилохий; хвалу подобающую возносяще, преподобнии Антоний и Варлаам Киево-Печерстии под сим покровом облагодатствовани, Преподобный Моисей Угрин и Зимненский игумен Нифонт, славный архиепископ Новгородский, непрестанно воспевали Богу: Аллилуйя.

Икос 4

Слышавше чудеса Твоя, Богородице, и видевше храм Твой, яко ковчег Ноев, и икону, яко зарю многосветлую, сию Святую Гору просветившую, покаянием приносим Сыну Твоему и Богу нашему, слезы горькия изливающе пред пречистым Твоим образом, вопиюще Ти таковая:

Радуйся, надеждо ненадежных;

Радуйся, тысячелетний столпе неугасающий;

Радуйся, Волынская Купино неопалимая;

Радуйся, Ладье Христова непотопляемая;

Радуйся, теплая Лампадо верных;

Радуйся, Семене цвета нашея веры;

Радуйся, Света нашего Мати;

Радуйся, Огнь Божественный неопально держащая;

Радуйся, печали наша утоляющая;

Радуйся, дарами Святаго Духа нас обогащающая;

Радуйся, в час смертный наше Упование;

Радуйся, праотцев наших Похвало;

Радуйся, Мати Божия, Зимненския обители и всем православным Отрадо и Утешение.

Кондак 5

Светлейшую звезду всю Волынь просвещающую узреша икону Твою, иноцы древния обители, наипаче блаженный Иосаф и Василий, епископы Владимирские, спасительную веру проповедаша поюще Богу: Аллилуйя.

Икос 5

Видевше людие стамну манны небесныя в Пречистей иконе Твоей, Богородице, прибегая к Тебе, получив просимое, украшали Твой лик достойными дарами, свидетельствоваше о сем безгласно сим же и нас научают пети сицевая:

Радуйся, сугубую благодать нам зде являющая;

Радуйся, паче солнца нас согревающая;

Радуйся, грехи и язвы врачующая;

Радуйся, в бедах сущих прикосновением исцеляющая;

Радуйся, чающих Твоея милости услаждающая;

Радуйся, благая наша намерения исполняющая;

Радуйся, окаменение сердечное оживляющая;

Радуйся, пустыню неверия оплодотворившая;

Радуйся, райския чертоги указующая;

Радуйся, Едемскую красоту открывающая;

Радуйся, руку помощи незримо подавающая;

Радуйся, икону Свою нам, аки перл, вручающая;

Радуйся, Мати Божия, Зимненския обители и всем православным Отрадо и Утешение.

Кондак 6

Проповедницею славною благодати Божия явилася еси Богородице, егда в годину латинских пленений, чрез икону Свою чудотворную, нечестиваго святотатника слепотою наказала еси, не ведущего пети Богу: Аллилуйя.

Икос 6

Возсияла еси чудом, Пречистая Дево, услышав чад Своих верных стенание, егда главы из храма снимали латинствующие, а Твой Пречистый образ уничижали, начальствующих и

потомство их лишила зрения, дабы в смирении пели Тебе сицевая:

Радуйся, смирение высокое;

Радуйся, сило молниеносная;

Радуйся, верных от скорбей избавляющая;

Радуйся, злохуления нечестивцев посрамляющая;

Радуйся, супостаты скоро прогоняющая;

Радуйся, долготерпению нас научающая;

Радуйся, в бедах и печалех радость посылающая;

Радуйся, руку помощи верным подающая;

Радуйся, скиптре Божия указания;

Радуйся, верных скорое услышание;

Радуйся, православных стено нерушимая;

Радуйся, смиренных восстание и гордым посрамление;

Радуйся, Мати Божия, Зимненския обители и всем православным Отрадо и Утешение.

Кондак 7

Хотяще страну нашу Волынскую в правоверии утвердити, явила еси благодать Свою, о, Богомати, в чудотворных иконах Твоих, и в Зимненской сугубую, яко старейшей, крещения равноапостольного Владимира свидетельнице и на брак честен благословившая, дабы молящиеся, лобызающе ю, принимали токи благодатных исцелений, поя Богу: Аллилуйя.

Икос 7

Новыя беды и испытания претерпе обитель Зимненская, егда ересью латинскою братия, яко класи исторгнути бывше, обаче прошедшим сто и тринадесяти летом православным

возвратилася, дабы достойно пели Ти таковая:

Радуйся, православная Сене непоколебимая;

Радуйся, благ у Тебе просящих Подательнице;

Радуйся, добрая Путеводительнице;

Радуйся, горьких печалей Утолительнице;

Радуйся, отступивших строгая Учительнице;

Радуйся, скорбящих Утешительнице;

Радуйся, чадолюбная Наставнице;

Радуйся, падших Надеждо и Исправление;

Радуйся, косного еретичества Вразумление;

Радуйся, верным теплое Заступление;

Радуйся хадатаице блаженного упокоения;

Радуйся, Скиние Духа Святаго;

Радуйся, Мати Божия, Зимненския обители и всем православным Отрадо и Утешение.

Кондак 8

Странники и пришельцы есмы на земли, Пресвятая Владычице, и не имуще где главу приклонити, прибегаем к Тебе, Скоропослушнице и Путеводительнице, и Споспешнице нашей, к Твоим иконам припадаем, яко зерцалам небесным, источникам благодати и среди них Зимненской Поручительнице, воспевая Богу: Аллилуйя.

Икос 8

Все упование на Тя возлагали, Всесильная, в часы лихолетий, егда образ сей чудотворный невидимым соделала и для верных сохранила еси, да непрестанно поем Ти таковая:

Радуйся, земли нашея забрало непобедимое;

Радуйся, супостатом непроходимая врата;

Радуйся, нечестивых гонителей устрашение;

Радуйся, святотатцев мерзких ослепление;

Радуйся, верных тихое умиление;

Радуйся, роду православному крепкое вспоможение;

Радуйся, хотящим спастися надеждо нерушимая;

Радуйся, обители древния диадимо известная;

Радуйся, жестоковыйность нашу укрощающая;

Радуйся, косность и гугнивость нашу разрешающая;

Радуйся, покрове миру ширший облака;

Радуйся, из пепла храмы и обители возводящая;

Радуйся, Мати Божия, Зимненския обители и всем православным Отрадо и Утешение.

Кондак 9

Всякия сомнения и блуждания людем волынским покаявшимся не помянула еси, Богородице, руку помощи простирающи до ныне, возведи от тли греховныя всех прибегающих к Тебе, да напрестанно воспевают Богу: Аллилуйя.

Икос 9

Ветия многовещанныя недоумеют по достоинству воспевати Твоя благодеяния, Пресвятая Дево, не отступи от нас, Владычице, избави от бед, болезней и скорбей, да поем Ти сицевая:

Радуйся, матерняя нам Попечительнице;

Радуйся, благая Вдохновительнице;

Радуйся, в бедах и болезнех Целительнице;

Радуйся, в напастех скорое Услышание;

Радуйся, больных Отрадо и Утешение;

Радуйся, душ наших чудесное обновление;

Радуйся, от нужд житейских изымающая;

Радуйся, враги православия побеждающая;

Радуйся, ереси, аки паутину, растерзающая;

Радуйся, нас грешных вразумляющая;

Радуйся, храмов наших Украшение;

Радуйся, земли Волынския Преображение;

Радуйся, Мати Божия, Зимненския обители и всем православным Отрадо и Утешение.

Кондак 10

Спасти хотя всех потопляемых в море житейских страстей, чудныя иконы Своя даровала еси, Богородице, православным людем, яко светила небесныя, да непрестанно поем Богу: Аллилуйя.

Икос 10

Стена необоримая, источник чудес, руно орошенное – икона Твоя, Богородице, тысящу лет, яко пластырь лечебный, яко лампада hentai porn неугасимая, согревает страну Волынскую и вся

страны, грады и веси, мы же восхваляем Тя, Пречистая:

Радуйся, свеще попаляющая дерзость греховную;

Радуйся, цевнице, разверзающая небеса;

Радуйся, зерцало невечерняго света;

Радуйся, секиро, ереси посекающая;

Радуйся, демонов дерзких скоро побеждающая;

Радуйся, верных источник неиссякаемый;

Радуйся, чистый крин неувядаемый;

Радуйся, старости благоговейная отрадо;

Радуйся, детей путеводительнице;

Радуйся, иноков любвеобильное умиление;

Радуйся, супружеств честных Благословение;

Радуйся, Мати Всемилостивая;

Радуйся, Мати Божия, Зимненския обители и всем православным Отрадо и Утешение.

Кондак 11

Пение хвалебное приносим Ти, Пресвятая Владычице, припадающе к Твоей чудотворней иконе, отгоняющей злыя веяния и намерения мира сего, простри нам руку помощи, покрый святым омофором Твоим, да радостно воспеваем Богу: Аллилуйя.

Икос 11

Светоприемная свеща обители древния, икона Твоя, Богородице, яко зерцало Божие, яко окно небесное, яко кадило благовонное явилася в земли Волынстей, просвети и наша

души светом невещественным, Пресвятая Дево, да навыкнем пети Тебе таковая:

Радуйся, заре просветлая, путь указующая;

Радуйся, елеем милости нас помазующая;

Радуйся, скиптре и державо Царя Вечнаго;

Радуйся, немудрыя и безпечныя устрашающая;

Радуйся, Сионская горнице, согревающая мнозих;

Радуйся, чаше, из нея же черплют богатии и убозии;

Радуйся, источник неиссякаемый воды животныя;

Радуйся, тихий облаче, утучняющий землю;

Радуйся, крине благоуханный, услаждающий душу;

Радуйся, древо благосеннолиственное, имже покрываются мнози;

Радуйся, плода безсмертнаго стяжание;

Радуйся, твердое молящим упование;

Радуйся, Мати Божия, Зимненския обители и всем православным Отрадо и Утешение.

Кондак 12

Благодати вместилище неизглаголанное, чудотворные иконы Твоя, о, Богомати, в лучах их омываются вернии, яко в Силоаме, чающе исцеления и прозрения принимати. Пробуди, Пресвятая, нас от сна греховнаго, отверзи очи и уста взывати Богу: Аллилуйя.

Икос 12

Поющим чудеса от иконы Твоея, вонми, Скоропослушнице, утоли наша печали, взыщи погибшее овча, будь спорительницею душ наших, явися скорою радостию всех

скорбящих, разреши наша узы греховныя, услыши, Пресвятая Дево, наши гласы, поющия таковая:

Радуйся, православныя веры нас научающая;

Радуйся, полки зловерия побеждающая;

Радуйся, лествице к небеси возводящая;

Радуйся, радосте наша и утешение;

Радуйся, инокам Матерь предивная;

Радуйся, молитвам верных внимающая;

Радуйся, земли древния Просветительнице;

Радуйся, Волынских обителей благословение;

Радуйся, ковчеже от бурь сокрывающий;

Радуйся, иконою Своею нас обогатившая;

Радуйся, веру православную утверждающая;

Радуйся, ко спасению нас призивающая;

Радуйся, Мати Божия, Зимненския обители и всем православным Отрадо и Утешение.

Кондак 13

О, Всепетая Мати, рождшая всех Святых Святейшее Слово, приими сии моления малыя, Тебе приносимыя, не помяни грехов наших, Своими молитвами исполни благая желания наша, и Твою благодать от иконы истекающую не отыми от нас, и сподоби непрестанно воспевати Богу: Аллилуйя. 

(Этот кондак читается трижды, затем -1-й икос и 1-й кондак) 

Молитва ко Пресвятей Богородице 

О, Пресвятая Владычице, Богородице, Зимненская Похвало, чудотворною иконою всю вселенную согревающая, бурю неверия укрощающая, от бед избавляющая и к тихой пристани Царствия Божия направляющая! Помози нам, Пресвятая, любоблагоутробная Мати, рцы слово, да исцелятся души и телеса наша от недугов, отягощающих нас, подай руку помощи, да исчезнут лютыя скорби, смирение же и терпение да явятся. Малодушныя утеши, немощныя укрепи, умягчи сердца наша, да едиными усты и единым сердцем поем в Троице славимого Бога Отца и Сына и Святаго Духа во веки веков, Аминь.